Atif Aslam

Sab kuch mil gaya..!

Wm: Ap apney pehley album ki fory kamyabi per hairan to nahi hain?

 Atif: Mujhe tou yeh ab bhi khuwaab maloom hota hai. Mashallah khush qismety ney mera poora saath diya.

Wm: Ap kis kisam ki moseeqi pasand kertey rahein hai or ye hap key andaaz per kis tarah asar andaz hoyi?

Atif: Mein har kisam ki moseeqi sunta hun. Mein Nusrat Fateh Ali Khan ka bohat madah hun. Mein na sirf in ki mojooda moseeqi  balkeh in ki puraani qawaliyon ko bhi barey shoq sey sunta hun. Main  Abida Perveen aur Junoon ki moseeqi ko bhi pasand kerta hun. Magrabi fankaroon mein mujhe Audio Solo U2 aur Pril Jam pasand hain leken bahar hal wo mere andaaz per kabhi asar andaz nahi howey hain. Mera khayal hai keh bunyaadi taur per insaani fitrat hi takhleeqi amal per ubhaarti hai aur is per asar andaaz hoti hai. Mein jab logon sey milta hun tou in say in ki achi baatein ahez kerta hun.

Wm: Jis tareeqay se yap apney career mein aagey barh rahey hain tou kya aap is sey poori tarah mutmayein hain?

Atif: Mein bohat mutmayin hun. Mein Khush naseeb hun. Is umar mein shohrat hasil kerna na qabil-e-yaqeen hai. Jab ham nojawaan hotey hain tou hum tawajoh hasil kerney key liye har waqt sagardaan rehetey hain. Mujhey logon ki bohat zyada tawajoh hasil hai. Mera khandan mujh per fakhar kerta hai.

Wm: Ap ki taleem ka kya haal hai?

Atif: Meney graduation kerli hai liken is key baad mein moseeqi mein is qadar masroof raha hun keh mujhey masters ki degree hasil kerney key liye waqt hi nahi mila liken mujhey umeed hai key mein pni taleem poori kerlun ga. Abhi kaafi waqt hai.

Wm: Bollywood k liye gaaney yah un ki productions ko apney gaaney deney ka tajurba kesa raha.

Atif: Bohat umdah tajurba raha. Mein wahan bohat maqbul hun. Mujeh yeh kehna pasand nahi keh meney unhey apney gaaney �diye hain� .  Yeh tou meri gulukaari hai keh wahaan mujhey awards miltey rahain hain. Wahan keh log mujhey ek aisey Pakistani key tor per jaantey hain jo india mein bari kamyabi hasil ker raha hai. Mein yeh sab kuch apney mulk k liye kar raha hun aur wahan is ko represent ker raha hun. Wahan k log mujhsey bohat hi khushi sey miltey hain.

Wm: Bollywood mein kaam kerney key baarey mein app key fans ka kya rad-e-amal hai?

Atif: Pakistan k logon ko yeh baat samjhni chahye  k agar mein india mein garaha hun or wahan aur wahan acha kam ker raha hun tou is tarah akhir kar Pakistan ka naam roshan hota hai. Dosri taraf bharat k logon k liyeh bhi yeh khatrey ki baat hai k sarhad paar ka ek nojwaan in k haan ek achi moseeqi pesh ker raha hai. Lehaza dunya mein jahan bhi merey fans hain unhey meri moseeqi sey muhabbat kerni chahye or is baat ko ahmeat nahi deni chahye key mein yeh moseeqi kis ilaaqey mein pesh ker raha hun.

Wm: Ap ka agla program kya hai?

Atif: Mein apni nayi album MERI KAHANI per kaam ker raha hun jo eid per release hogi . is mein 12 tracks hain.Is mein merey bachpan k mutaliq bhi ek track hai. Is album k gaaney doorie ki tarah nahi hain. Yeh album merey doosrey commercial kaamo ki tarah bilkul nahi hai. Is album ka taluq meri zaar sey hai aur yeh mujhey bohat hi azeez hai. Yeh Pakistan key underground bands k liye sahara bhi hai kyunke inhey who muwaqey dastyab nahi jin k who mustahiq hain. Is waqt mein yeh  towaqoh nahi rakhta k yeh album logon k liye baas-kashish hoga. Mein tou maihez  apni moseeqi tehleeq kerney ki koshish ker raha hun. Is k ilawa jahan tak filmo ka taluq hai. Mein muhtalif projects per kaam ker raha hun. Mein INDIAN fil Race mein playback singing ker raha hun.