Wm: Kya films mein adakari kerney ka bhi khayal hai?

Atif: Mere paas is silsiley mein ek do offers hain liken filwaqt meri tawajoh moseeqi ki taraf markoz hai.

Wm: Bohat sey Pakistani sazinday app k naqsh-e-qadam per chal rahey hain or ap k andaz ki naqal ker rahey hain. Is barey mein aap ka kya tabsarah hai?

Atif: Mera taluq matusat tabqay key ek khandan sey hai. Jab doosrey baslaheat larkey mujhe dekhtey hain tou who mujh sey ek taluq sa mehsoos kertey hain. Meri poori zindagi in k saamney hai. In key nazdeek mein ek aam sa shaks hun jo kamyabi or shuhrat hasil ker raha hai. Is key bar-aqs mera khayal hai keh hum abh bhi aisi original moseeqi pesh ker rahey hain jo Pakistani sazindon key liye bht munfarid hai.

Wm: School mein math sap ka favourite mazmoon tha. Kya aap apni zindagi mein hisaabi tareeqo sey kaam letey hain?

Atif: Meri zindagi key kayi pehlo hain or mein isi hisaab sey mansooba bandi kerta hun. Mein halat key mutabiq apney aap ko dhalney waala shaks hun. Zindagi is curlicue hole ki manind hai jo guitar per saamney banaya jaata hai or jisey F-hole kaha jata hai. Is hole mein hawa key dahil honey or awaz key nikalney kay darmyan ek khaas tunasib hai jis key mutaabiq jitni zyada hawa is mein sey guzarti hai itni hi zyada is mein sey awaz  nikalty hai. Mehnat khud hi bolti hai.

Wm: Ap ka akhri maqsad kya hai?

Atif: Mera zindagi ka maqsad kuch personal sa hai mein sirf yehi keh sakta hunk eh music sey mujhe itmenan hasil hota hai liken yeh meri aakhri manzil nahi hai. Main ek acha insaan banna chahta hun or mein yeh bilkul bhi pasand nahi kerta keh mera �NORMAL PERSON� ka image badal jaye.

Wm: Kuch apney khandan k baarey mein batayein.

Atif: Ham char bhayi hain or hamari koi behen nahi hai. Hum sab bhai bohat artistic hain jabke hamarey parents aisey nahi hain. Mein apney parents ka sab sey chota beta hun aur merey bhayon ney merey career key mamley mein meri madad ki hai. Sab sye baray bhai Shahzad photography kertey hain jinho ney merey naye album ka cover design kiya hai. Merey doosrey bhai Sheraz websites ka kaaam kertey hain. Teesray bhai Shahbaz meray dresses design kertey hain. Yaani keh yeh bhaayon ka band hai.

Wm: Ap key mashagil kya hain?

Atif: Meray paas waqt ho tou mein apni motorcycle chalana pasand kerta hun. Mujhey hawai safar kerney or logon ka mushahida kerney ka bara shoq hai.

Wm: Nojawan logon key lye aap ka kya pegaam hai?